28 Maji 2024

Një operacion sekret britanik për të ndaluar bosët shqiptarë të krimit që veprojnë në Britaninë e Madhe po tenton të ekspozojë politikanët e korruptuar në vendin ballkanik. Në plan të parë për Londrën mesa duket është Shqipëria. Mësohet se sot pritet të zbarkojë në Tiranë Lord Justice Dingemans-Kryetar i Gjykatës së Lartë angleze për të shpalosur, ndihmën e “Zyrës Britanike të Drejtësisë”.

Bëhet fjalë një programi i ri i financuar nga qeveria britanike, i cili do të shërbejë për trajnimin e prokurorëve dhe gjyqtarëve shqiptarë në të avancuarin me çështjet që lidhen me hetimin e më pas gjykimin për pastrimin e parave, gjetjen dhe sekuestrimin e pronave të atyre shqiptarëve të përfshirë në krimin e organizuar në Britaninë e Madhe dhe jo vetëm. Sikurse pala britanike do të ndihmojë Drejtorinë e Policisë Kriminale me bazë logjistike dhe ekspertizë në lutën me krimin e organizuar dhe intensifikimin e hetimeve të atyre që organizojnë nga Shqipëria dërgimin e emigrantëve drejt El-Dorados shqiptare Anglisë.

Një tjetër aspekt i rëndësishëm i bashkëpunimit Shqipëri Britani e Madhe është edhe SPAK. Pas nënshkrimit të memorandumit të bashkëpunimit, SPAK pritet të marrë nga National Crime Agency  “Agjencia Kombëtare britanike kundra Krimit” listën e të gjithë të hetuarve nga kjo agjenci më pas të dënuar, me synimin e hetimeve në Shqipëri për të evidentuar pasuritë me qëllim konfiskimi me prejardhje kriminale.

Emrat e parë “VIP” të rrezikuar në skanerin e Britanisë janë Sali Berisha, i cili është shpallur “non grata” dhe Ilir Meta, i cili dyshohet se ka fshehur dhe ka pastruar para në Londër. Ish-presidenti është nën hetim nga SPAK dhe mësohet se prokurorët po bashkëpunojnë me autoritetet britanike për të thelluar më tej hetimet.

Plani sekret i Britanisë

Projekti i koduar Crime State Nexus (CSN) u lançua nga Ministria e Jashtme dhe Ministria e Brendshme për të synuar politikanët ballkanikë me lidhje me krimin e organizuar, sipas The Times. Qëllimi i projektit është të godasë kërcënimet nga grupet e krimit të organizuar dhe të mbrojë interesat e Britanisë në rajon. Një dokument ligjor i Home Office përshkruan grupet shqiptare të krimit të organizuar si një “kërcënim akut” për Britaninë.

Sipas medias britanike, ata vlerësohen të jenë aktorë të rëndësishëm në tregun e kokainës në Mbretërinë e Bashkuar dhe krimin e rëndë e të organizuar në Britani, duke përfshirë trafikun e qenieve njerëzore dhe prostitucionin.

Në dokument statistikat tregojnë se shqiptarët përbëjnë një në tetë kriminelëve të huaj në burgjet e Mbretërisë së Bashkuar. Projekti sekret është zbuluar në dokumentet e gjykatës nga një betejë ligjore mbi vendimin e qeverisë për të ndaluar ish-presidentin shqiptar Sali Berisha nga Britania e Madhe.  Sali Berisha, 79 vjeç, po apelon vendimin e marrë nga Priti Patel, kur ishte ministre e Brendshme, për ta përjashtuar atë nga Britania e Madhe në Komisionin Special të Apelimit të Emigracionit, me një vendim që pritet muajin e ardhshëm. Dokumenti thotë se lidhjet midis politikës dhe krimit në Ballkanin Perëndimor krijojnë një “mjedis lejues në të cilin grupet kriminale shqiptare mund të veprojnë dhe të përfitojnë nga mbrojtja politike e politikanëve të korruptuar nga aktivitetet e zbatimit të ligjit”. Kjo mbrojtje politike u ofron grupeve kriminale të krimit të organizuar rrugë shtesë për të pastruar paratë dhe u mundëson atyre të përdorin Shqipërinë si një “strehë të sigurt nga e cila mund të operojnë”, theksohet në dokumentin e Home Office.

Detajet nga projekti

Në këmbim, grupet kriminale do të ndihmojnë një politikan gjatë zgjedhjeve duke blerë vota dhe duke frikësuar votuesit, shtohet në dokumente sipas The Times.

Projekti synon të prishë këto lidhje duke koordinuar veprimet e MB-së kundër personave të ekspozuar politikisht (PEP) në politikën shqiptare. “Kjo mund të sjellë ekspozimin e PEP-ve të korruptuar në mënyrë që të zvogëlohet besueshmëria e tyre midis publikut dhe elitës politike shqiptare, gjë që do të “demonstrojë pasojat ndërkombëtare dhe të brendshme të tolerimit të korrupsionit brenda partive politike”, tha Home Office.

Në dokument shtohet se: “Duke rritur kostot politike të përfshirjes në korrupsion, objektivi është të dekurajohen politikanët shqiptarë nga ofrimi i mbrojtjes politike për OQQ-të. Mbrojtja e reduktuar politike duhet t’i bëjë OCG-të më të cenueshme ndaj veprimtarisë së zbatimit të ligjit në Shqipëri dhe të prishë modelin e tyre të biznesit.” Qëllimet e tjera të CSN janë të forcojë demokracinë në Ballkanin Perëndimor, të zvogëlojë “perceptimin se kriminelët mund të veprojnë pa u ndëshkuar” dhe të forcojë reputacionin dhe besueshmërinë e Mbretërisë së Bashkuar si një partner në trajtimin e korrupsionit. Berisha shërbeu si president i Shqipërisë midis 1992 dhe 1997 dhe më pas si kryeministër midis 2005 dhe 2013 por në dhjetor, një gjykatë shqiptare vendosi që ai duhet të dënohej në arrest shtëpie, ndërkohë që ai hetohej për keqpërdorim të detyrës për privatizimin e tokës publike për ndërtimin e 17 apartamenteve në dobi të dhëndrit të tij.

Berisha i ka mohuar akuzat dhe thotë se është një rast i politizuar i orkestruar nga Edi Rama, kryeministri aktual. Ai gjithashtu ka mohuar akuzat në Mbretërinë e Bashkuar për lidhje me Duke mbrojtur vendimin e qeverisë së Mbretërisë së Bashkuar për të përjashtuar Berishën nga vendi, Lisa Giovannetti KC, që përfaqëson Zyrën e Brendshme në këtë çështje në Komisionin Special të Apelit të Emigracionit, tha: “Sekretari i Shtetit kishte të drejtë të arrinte mendimin se aplikanti ‘ka qenë i përfshirë në krim të rëndë të organizuar dhe korrupsion dhe ka përdorur lidhjet e tij me grupet e krimit të organizuar dhe ata të përfshirë në kriminalitet për përfitimin e tij”. Ajo shtoi: “Krimi i organizuar i rëndë në Ballkanin Perëndimor dhe në veçanti në Shqipëri , ka pasur dhe vazhdon të ketë një ndikim negativ në Mbretërinë e Bashkuar. Vlerësimi taktik i Agjencisë Kombëtare të Krimit shpjegon se kapja shtetërore e institucioneve shqiptare minon aftësinë e saj për të luftuar krimin e rëndë të organizuar”.